Галия апа Хәмзинага

Гөмер юлың – яңа биеклектә,

Хезмәт белән үткән көннәрең.

Булды микән, юктыр, булмагандыр

“Тешең үтми” торган фәннәрең?!

 

Бер карасаң – тигезләмәләргә,

Мисалларга җавап эзлисең.

Бер карасаң – нәни дуслар белән

Яштәшләрдәй бергә йөрисең.

 

Астрономиянең серле йолдызлары

Җемелдиме күңел күгеңдә?

Рәсем, сызым дәресләрен үткәч,

Җырлар суздың татар телендә!

 

Велосипед – синең яңа дустың,

Сәламәт яшәү – тормыш девизың.

Бик күпләргә – олы яшьләргә.

Үрнәксең бит бүген син үзең.